 RSS |
|
Utviklinga av barnehagar: frå unntak til regel
29.11.2007
Dei siste 50 åra har barnehagesektoren i Noreg endra seg frå å gjelde eit fåtal til å omfatte eit fleirtal av barna i alderen 1-5 år. I ein ny artikkel har NOVA-forskar Lars Gulbrandsen sett på korleis utviklinga i barnehagesektoren har vore, samt analysert nokre av drivkreftane bak utviklinga.
Gulbrandsen skildrar veksten i barnehagesektoren i eit historisk lys. Målet om full barnehagedekning er i ferd med å bli nådd, men ein viktig kvalitetsfaktor som full dekning av førskulelærarar vil ikkje vere på plass. Artikkelen byggjer på offisiell barnehagestatistikk frå SSB, data frå spørjeundersøkingar og registerdata om førskulelærarar. Artikkelen er ein av i alt elleve i ei ny bok frå Statistisk sentralbyrå (SSB): Utdanning 2007 - muligheter, mål og mestring. Boka teiknar i tekst, figurar og tabellar eit hovudbilete av utdanningssektoren med oppdateringar av den viktigaste statistikken innanfor utdanning, samt utdanningspolitiske tema der ein går djupare inn i nokre områder med forskingsfunn og analysar. Boka inneheld artiklar om heile utdanningslaupet - frå barnehagar til høgre utdanning. Erfaringar frå boka syner at kvalitetsreforma innanfor høgre utdanning har ført til endringar i studietilboda, særleg ved universiteta, men at studentane sin studieinnsats har vore stabil. Utdanning 2007 - muligheter, mål og mestring
Serie: Statistiske analyser 90Utgjevar: Statistisk sentralbyrå, Oslo Last ned heile boka elektronisk Boka kan òg tingast frå SSB: www.ssb.no Les meir om NOVAs forsking om barn
|
|
 |
|
Tips en venn